Hótel nálægt kennileitinu Secon square í Bangna

Það var tekið mjög vel á móti okkur af afar hlýlegu starfsfólki. Við fengum mjög góða þjónustu allan tímann, sem var 1 vika, frá frábæru starfsfólki sem sýndi alltaf hlýtt og brosandi viðmót. Mjög rúmgott herbergi með stóru baðhebergi. Rúmið var þægilegt með góðri millistífri dýnu og góðum koddum. Góður morgunmatur, þar sem allir geta fengið mat við sitt hæfi, með úrvali af vestrænum og asískum mat. Staðsetning hótelsins er tiltölulega stutt frá flugvellinum. Hægt er að taka lest niður í miðbæ Bangkok. Stór verslunarmiðstöð er hinum megin við götuna, í nokkurra mínútna göngufæri. Á meðan við dvöldum á hótelinu stóðu yfir framkvæmdir vegna breytinga á aðal matsalnum, sem hafði þó engin áhrif því annar matsalur á hótelinum var notaður t.d. fyrir morgunmatinn. Varð ekki var við nokkurn hávaða eða önnur óþægindi vegna framkvæmdanna. Endurbættur matsalurinn opnaði svo á brottfarardegi okkar og hann leit aldeilis vel út og mjög rúmgóður. Í hótelgarðinum er útisundlaug og þægilegir legubekkir. Mjög góð aðstaða í alla staði. Mun líklega dvelja þarna aftur seinna.